ਵੱਡਾ ਖ਼ੁਲਾਸਾ: ਭਾਰਤ ਚਲਾ ਰਿਹਾ ਹੈ ਦੁਨੀਆਂ ਦਾ ਸਭ ਤੋਂ ਵੱਡਾ ‘ਝੂਠ ਦਾ ਨੈੱਟਵਰਕ’

ਚੰਡੀਗੜ੍ਹ (1849 Panjab):- ਬ੍ਰੱਸਲਜ਼ ਵਿਚਲੀ ਐੱਨਜੀਓ ਨੇ ਵੱਡਾ ਖੁਲਾਸਾ ਕਰਦਿਆਂ ਕਿਹਾ ਹੈ ਕਿ ਭਾਰਤ ਪਿਛਲੇ ਪੰਦਰਾਂ ਸਾਲ ਤੋਂ ਦੁਨੀਆਂ ਦਾ ਸਭ ਤੋਂ ਵੱਡਾ ਝੂਠ ਦਾ ਨੈੱਟਵਰਕ ਚਲਾ ਰਿਹਾ ਹੈ। ਰਿਪੋਰਟ ਵਿਚ ਖੁਲਾਸਾ ਕੀਤਾ ਗਿਆ ਹੈ ਕਿ ਭਾਰਤ ਸੈਂਕੜੇ ਮੀਡੀਆ ਅਦਾਰੇ ਅਤੇ ਇਕ ਮਰੇ ਹੋਏ ਪ੍ਰੋਫ਼ੈਸਰ ਦੀ ਪਛਾਣ ਵਰਤ ਕੇ ਪਿਛਲੇ ਪੰਦਰਾਂ ਸਾਲ ਤੋਂ ਯੂ ਐੱਨ ਅਤੇ ਯੂਰੋਪੀਅਨ ਯੂਨੀਅਨ ਤੱਕ ਝੂਠ ਪਹੁੰਚਾ ਕੇ ਆਪਣੇ ਹਿੱਤਾਂ ਦੀ ਪੂਰਤੀ ਕਰ ਰਿਹਾ ਹੈ। ਭਾਰਤ ਇਸ ਮੱਕੜ ਜਾਲ ਦੀ ਵਰਤੋਂ ਖ਼ਾਸ ਤੌਰ ਤੇ ਪਾਕਿਸਤਾਨ ਨੂੰ ਨਿਸ਼ਾਨੇ ਤੇ ਲੈਣ ਲਈ ਕਰਦਾ ਹੈ।

‘ਇੰਡੀਅਨ ਕ੍ਰੌਨੀਕਲਜ਼’ ਨਾਮ ਦੀ ਇਸ ਰਿਪੋਰਟ ਵਿੱਚ ਖੁਲਾਸਾ ਕੀਤਾ ਗਿਆ ਹੈ ਕਿ ਭਾਰਤ ਇਸ ਜਾਲ ਦੀ ਵਰਤੋਂ ਯੂ ਐੱਨ ਦੇ ਮਨੁੱਖੀ ਅਧਿਕਾਰ ਵਿੰਗ ਦੇ ਫ਼ੈਸਲਿਆਂ ਤੇ ਅਸਰ ਪਾਉਣ ਲਈ ਕਰਦਾ ਹੈ। ਇਸੇ ਰਿਪੋਰਟ ਵਿੱਚ ਸਾਰੇ ਤਾਣੇ ਬਾਣੇ ਦਾ ਕਰਤਾ ਧਰਤਾ ਦਿੱਲੀ ਵਿਚਲਾ ਸ੍ਰੀਵਾਸਤਵ ਗਰੁੱਪ ਦੱਸਿਆ ਗਿਆ ਹੈ ਜਿਸ ਨੇ ਪਿਛਲੇ ਸਾਲ ਧਾਰਾ 370 ਰੱਦ ਹੋਣ ਤੇ ਯੂਰਪ ਦੇ ਸੱਜੇ ਪੱਖੀ ਸੰਸਦ ਮੈਂਬਰਾਂ ਨੂੰ ਕਸ਼ਮੀਰ ਦੀ ਯਾਤਰਾ ਕਰਵਾਈ ਸੀ। ਇਹ ਗਰੁੱਪ ਨਕਲੀ ਤੋਂ ਲੈ ਕੇ ਅਸਲੀ ਚੈਨਲਾਂ ਰਾਹੀਂ ਕੰਮ ਕਰਦਾ ਹੈ ਤੇ ਕਰੋੜਾਂ ਲੋਕਾਂ ਤੱਕ ਝੂਠ ਪਹੁੰਚਾ ਰਿਹਾ ਹੈ।

ਮਸ਼ਹੂਰ ਖ਼ਬਰ ਏਜੰਸੀ ANI ਇਸ ਸਾਰੇ ਤਾਣੇ ਬਾਣੇ ਦੀ ਕਰਤਾ ਧਰਤਾ ਦੱਸੀ ਗਈ ਹੈ। ਇਸ ਗਰੁੱਪ ਵੱਲੋਂ 65 ਮੁਲਕਾਂ ਵਿਚ 265 ਫਰਜ਼ੀ ਵੈੱਬਸਾਈਟਾਂ ਚਲਾਈਆਂ ਜਾ ਰਹੀਆਂ ਹਨ ਜੋ ਭਾਰਤ ਦਾ ਪੱਖ ਪੂਰਦੀਆਂ ਹਨ। ਇਸ ਗਰੁੱਪ ਵੱਲੋਂ ਪਾਕਿਸਤਾਨ ਵਿੱਚ ਘੱਟ ਗਿਣਤੀਆਂ ਅਤੇ ਬਲੋਚਾਂ ਦੀ ਗੱਲ ਕਰਨ ਵਾਲੀਆਂ ਫ਼ਰਜ਼ੀ ਐੱਨ ਜੀ ਓ ਵੀ ਚਲਾਈਆਂ ਜਾ ਰਹੀਆਂ ਹਨ। ਅਜਿਹੀਆਂ ਐੱਨ ਜੀ ਓ ਗੁਪਤ ਢੰਗ ਨਾਲ ਯੂ ਐੱਨ ਦੀਆਂ ਕਾਰਵਾਈਆਂ ਅਤੇ ਚਲਦੇ ਸੰਮੇਲਨਾਂ ਨੂੰ ਪ੍ਰਭਾਵਿਤ ਕਰਦੀਆਂ ਹਨ।

ਲਗਪਗ 95 ਮੁਲਕਾਂ ਵਿਚ 600 ਦੇ ਕਰੀਬ ਫਰਜ਼ੀ ਮੀਡੀਆ ਚੈਨਲਾਂ ਰਾਹੀਂ ਗਲਤ ਜਾਣਕਾਰੀ ਫੈਲਾਈ ਜਾ ਰਹੀ ਹੈ। ਇਸ ਰਿਪੋਰਟ ਬਾਰੇ ਬੋਲਦਿਆਂ ਕਾਰਵਾਂ ਮੈਗਜ਼ੀਨ ਦੇ ਐਡੀਟਰ ਹਰਤੋਸ਼ ਸਿੰਘ ਬੱਲ ਨੇ ਕਿਹਾ ਕਿ ANI ਪਿਛਲੇ ਲੰਮੇ ਸਮੇਂ ਤੋਂ ਪੱਖਪਾਤੀ ਅਤੇ ਝੂਠੀਆਂ ਖ਼ਬਰਾਂ ਦਿੰਦੀ ਆ ਰਹੀ ਹੈ ਜਿਸ ਵਿਚ ਪੰਜਾਬ ਬਾਰੇ ਵੀ ਵੱਡੇ ਝੂਠ ਬੋਲੇ ਜਾਂਦੇ ਰਹੇ ਹਨ।

  • 617
  •  
  •  
  •  
  •